AbstractsBiology & Animal Science

Fylkesmannen i Nord- Trøndelag har gitt løyve til at Tiller deponi har blitt brukt til deponi for diverse inerte masser som byjord og torv. Avrenning frå deponiet skal då klassifiserast som rein. Deponiet er no stengt for innkøyring av nye masser. Sweco har hatt ansvaret for den årlege overvakinga av deponiet og har skrive endeleg årsrapport for deponiet for 2013. I denne oppgåva er det sett på tungmetalla kopar, nikkel, krom, kvikksølv, nikkel, sink og kadmium i jord og overflatevann på deponiet samt i prøver tatt i bekken over tid. Tilstandsklassar for desse er gitt i veileder 97:04 og helsebaserte tilstandsklasar for jord (TA 2553/2009). Det er og gjort berekningar av vatnet si hardheit i bekken, og sett på redoksaktive speciar som jern, mangan og aluminium. Alle metallanalyser er utført med HR-ICP-MS. I tillegg er det berekna SUVA utifrå UV254 analysert med Shimadzu UV mini-1240, og innhald av løyst organisk karbon (DOC) analysert med Torch Combustion Analyzer. Deponiet viser generelt konsentrasjonar som er innanfor gitte grenseverdiar. Jordprøvene har verdiar i klasse 1 og 2 som er innanfor anbefalte grenseverdiar, men det er funne enkeltprøver med forhøgja konsentrasjonar av sink og arsen samanlikna med TA 2553/ 2009 og forhøgja verdiar av kadmium og arsen samanlikna med 97:04. Bekken viser forhøgja verdiar av kopar, nikkel og kvikksølv ved fleire prøvetakingar. Overflatevatnet inneheld og forhøgja verdiar av kvikksølv og kopar. Det verkar som det føregår ein del redoksprosessar i vatnet, då fleire av metall viser positive eller negative korrelasjonar med kvarandre avhengig av endringar i redokspotensial og turbiditet. Vatnet i bekken er og svært hardt. Det er funne låg andel av aromatiske forbindelsar i bekken. Konsentrasjonane av metall avtek nedover bekken og bortsett frå kopar er alle innanfor anbefalte grenseverdiar før bekken renn ut i Nidelva. Dette indikerer at det sannsynlegvis er utfelling av metall eller bind seg til organisk materiale i myrområdet mellom deponiet og Nidelva.